2023 წლის 24 ივნისს სასტუმრო ჰოთელს & პრეფერენს ჰუალინგ თბილისში Global Idea-სა და The FINANCIAL-ის ორგანიზებით, ბიზნესის ოსკარად წოდებული ნომერ პირველი ოქროს ბრენდების რიგით მე -18 დაჯილდოების ცერემონია გაიმართა. ოქროს ბრენდი არის მთავარი ჯილდო საქართველოში წარმატებული ბიზნეს პროექტებისთვის, რომელსაც ექსპერტები და მომხმარებლები ღიად აძლევენ ხმას.

წელს „რონიკო“ No 1 ოქროს ბრენდად დასახელდა საუკეთესო ოპტიკური კომპანიის კატეგორიაში. „რონიკო“ უკვე 27 წელია ლიდერობს ქართულ ოპტიკურ ბაზარს. 90-იანი წლების საქართველოში, ურთულეს პირობებში, ოთხ კვარდატულ მეტრში დაწყებული საქმე დღეს წარმატებულ და სტაბილურ ბიზნესად ჩამოყალიბდა, რომელიც ყველაზე დიდ ოპტიკურ ქსელს მოიცავს და მსოფლიოს საუკეთესო, 90-ზე მეტ ბრენდს ოფიციალურად წარადგენს საქართველოსა და ამიერკავკასიაში. ყველაზე დიდი ოპტიკური ქსელი, საერთაშორისო ბრენდების ყველაზე ფართო არჩევანი, სათვალეების, კონტაქტური ლინზების და სასათვალე ლინზების ყველაზე დიდი სპექტრი, ოპტიკური სერვისები, ოფთალმოლოგიური კაბინეტები, ლაბორატორიები, ოპტიკოსების მოსამზადებელი ტრეინინგ ცენტრი, ოფიციალური დისტრიბუტორობის საერთაშორისო სერტიფიკატები – ეს და მრავალი სხვა კომპანიის 27 – წლიანი, წარმატებული მოღვაწეობის შედეგია! „რონიკოს“ მიერ No 1 ოქროს ბრენდის ტიტულის მიღება კომპანიის მთლიანი გუნდის, ყველა რგოლის მრავალწლიანი პროფესიონალური მუშაობის დამსახურებაა.

 

აქვე, ცოტა რამ თავად ტიტულის შესახებ:

ოქროს ბრენდის ღირებულება შეუფასებელია. ის ზრდის მომხმარებლის ნდობას, აქცევს მას საერთაშორისო სავაჭრო ნიშნად, რომელსაც წარმატებით იყენებენ როგორც ქართული, ასევე საერთაშორისო ბრენდები.

ოქროს ბრენდის დაჯილდოების ცერემონია 2006 წლიდან ტარდება. ის ყველაზე პრესტიჟულ და გავლენიან ბიზნეს დაჯილდოებად არის აღიარებული. წელს მედიის თანდასწრებით 62 გამარჯვებული ბრენდი დაჯილდოვდა.

ოქროს ბრენდების გამოვლენაში მონაწილეობას ღებულობდნენ საქართველოს უმაღლესი საგანმანათლებლო დაწესებულებების პროფესორ-ლექტორები, მენეჯერები, ბიზნესის ადმინისტრირების სპეციალისტები, საკონსულტაციო კომპანიები, სახელმწიფო და არასამთავრობო სექტორის წარმომადგენლები, დამოუკიდებელი ექსპერტები ეკონომიკურ საკითხებში. პარალელურად, გამოკითხვა ჩაატარდა მომხმარებლებს შორის. ნომერ პირველი ოქროს ბრენდი სწორედ მათ დაასახელეს.

ბრენდების ნომინირება მათი ცნობადობის, ხარისხის და პიარ და მარკეტინგულ საქმიანობაში გაწეული მუშაობის გათვალისწინებით მოხდა.

დაჯილდოების ცერემონია მედიისა და ბიზნეს საზოგადოების დიდი ყურადღებას იქცევს. სხვადასხვა მედია არხის ჟურნალისტებს საშუალება ეძლევათ შეხვდნენ წამყვან ბიზნესმენებს, დიპლომატიური კორპუსის და ხელისუფლების წარმომადგენლებს, მინისტრებსა და მათ მოადგილეებს.

ტრადიციულად, ყოველწლიურად დგინდება სპეციალური ნომინაციები, ჯილდოვდებიან კომპანიები და ორგანიზაციები, რომლებსაც განსაკუთრებული წვლილი შეაქვთ ქვეყნის განვითარებაში.
ღონისძიებას 100 -ზე მეტი უმსხვილესი ქართული და უცხოური ბიზნეს კომპანიის ტოპ მენეჯერი ესწრებოდა, მათ შორის სტუმრები უცხოეთის სხვადასხვა ქვეყნებიდან.