ძვირფასო მომხმარებლებო!
საკურიერო მომსახურებით სარგებლობის შემთხვევაში, 21 აპრილის 17:00 საათამდე განთავსებულ შეკვეთებს მიიღებთ 26 აპრილს, ხოლო 22-25 აპრილს განთავსებული შეკვეთების მიწოდება განახლდება 27 აპრილს! რონიკო გილოცავთ აღდგომის ბრწყინვალე დღესასწაულს!
საკურიერო მომსახურებით სარგებლობის შემთხვევაში, 21 აპრილის 17:00 საათამდე განთავსებულ შეკვეთებს მიიღებთ 26 აპრილს, ხოლო 22-25 აპრილს განთავსებული შეკვეთების მიწოდება განახლდება 27 აპრილს! რონიკო გილოცავთ აღდგომის ბრწყინვალე დღესასწაულს!
Dolce&Gabbana
ბრენდი Dolce&Gabbana ნამდვილი საკულტო იტალიური ბრენდია! ეს მოდის სახლი თავის თითოეულ ქმნილებაში: სამოსით დაწყებული მზის და ოპტიკური ჩარჩოებით დამთავრებული, მუდმივად უსვამს ხაზს იტალიურ სტილს: ფერები, პრინტები და ფორმები მკვეთრი, კაშკაშა და ძალიან გამბედავია, რაც საფუძველს იღებს იტალიური ფოლკლორიდან, კულტურიდან, ფერწერიდან და არქიტექტურიდანაც კი.
ბრენდის წარმატების საიდუმლოც ეს არის – იყოს ხაზგასმით იტალიური და ფერადოვანი, რაც ამ ბრენდის შემქმნელი დიზაინერების დომენიკო დოლჩეს და სტეფანო გაბანას წარმომავლობით არის განპირობებული: დიზაინერი დომენიკო დოლჩე დაიბადა პალერმოში, კუნძულ სიცილიაზე, 1958 წელს. სტეფანო გაბანა კი დაიბადა 1962 წელს მილანში. ეს ორი ნიჭიერი ხელოვანი ერთმანეთს 1980 წელს მილანში შეხვდა, როდესაც ერთ-ერთ სტუდიაში წამყვანი დიზაინერის ასისტენტებად მოუწიათ მუშაობა. დომენიკო დოლჩე არასოდეს ივიწყებს თავის სიცილიურ ფესვებს. დომენიკო, ისევე როგორც სტეფანო, თავიანთ ქმნილებებში ხაზს უსვამენ იტალიურ წარმომავლობას და, სწორედ ამის წყალობით, ინარჩუნებენ პოპულარობას. მათ კარგად ესმით, რომ გლობალიზაციის ეპოქაში ინდივიდუალობისა და ფოლკლორულ-ნაციონალური შტრიხების წინ წამოწევა განსაკუთრებულად მიმზიდველია თამამი და გამბედავი, გემოვნებიანი მომხმარებლისათვის. გაცნობის დღიდან მათი ტანდემი განსაკუთრებულად წარმატებულია. სწორედ ამ პერიოდიდან იწყება ბრენდ Dolce&Gabbana – ს ისტორია:
1982 წელს დომენიკომ და სტეფანომ გახსნეს ერთობლივი სტუდია-სამკერვალო, რომელსაც უწოდეს საკუთარი სახელები Dolce&Gabbana. ძალიან მალე დიზაინერებმა მილანში გამართეს პირველი კოლექციის ჩვენება, რომელმაც განსაკუთრებული აღფრთოვანება გამოიწვია და სათავე დაუდო სამოსის ახალი ბრენდის Dolce&Gabbana -ს შექმნას.
ბრენდ Dolce&Gabbana -ს პირველი მზის სათვალების და ოპტიკური ჩარჩოების კოლექცია 2000 წელს გამოვიდა. ბრენდის სათვალეებს შორის დღემდე ყველაზე პოპულარულია მაქმანით მორთული მოდელი, რომელიც გარდა ესთეტიურობისა, მაღალტექნოლოგიური მიღწევებითაც გამოირჩევა, ვინაიდან აცეტატში დატანებულია ნატურალური მაქმანი.
ბრენდ Dolce&Gabbana – ს სარეკლამო სახეები არიან განსაკუთრებული ქალურობით გამორჩეული სახეები: მონიკა ბელუჩი, ბიანკა ბალდი, სკარლეტ იოჰანსონი, კაილი მინოუგი, ევა ლონგორია.