კონტაქტური ლინზები – მოვლის წესები, საინტერესო ფაქტები და რეკომენდაციები

სად შევიძინოთ კონტაქტური ლინზები?
დღეისათვის ლინზები ბევრ ადგილას იყიდება: ოპტიკის მაღაზიებში, აფთიაქებში, ჯიხურებში, მეტროში, ინტერნეტ მაღაზიებში, მაგრამ გაითვალისწინეთ!!! რომ კონტაქტური ლინზის სწორად შერჩევა და მორგება მხოლოდ კომპეტენტურ და ვიწრო პროფილის ოფთალმოლოგს, ე.წ. კონტაქტოლოგს შეუძლია. შერჩევისა და მორგებისთვის აუცილებელია სპეციალური ოფთალმოლოგიური აპარატურით აღჭურვილი კონტაქტური კორექციის კაბინეტი. მნიშვნელოვანია, რომ კონტაქტური ლინზების მოვლისა და შენახვის წესები, ასევე, ლინზების მოხსნა-გაკეთება სპეციალისტმა გასწავლოთ. ამიტომ ექიმი-ოფთალმოლოგის კონსულტაციის გარეშე ლინზების ყიდვა რეკომენდებული არ არის!

ერთ-ერთი საიმედო ადგილი „რონიკოა“. აქ ყველაფერი ერთ სივრცეშია: ადგილზე

ხდება მხედველობის დიაგნოსტიკა, რეცეპტის შედგენა, სათვალისა თუ ლინზის შერჩევა. „რონიკოში“ შეძენილი ლინზები უსაფრთხო და ხარისხიანია. აქ შეგიძლით შეიძინოთ, როგორც ფერადი, ასევე ნომრიანი და ერთდროულად ფერადი ნომრიანი კონტაქტური ლინზები! „რონიკოს“ ექიმი-ოფთალმოლოგები, კონტაქტოლოგები, დაგიდგენენ თქვენთვის საჭირო კონტაქტური ლინზების ნომრებს, ადგილზევე შეგირჩევენ შესაფერის ლინზას, გასწავლიან მის ჩასმას, მოვლის წესებს და მოგცემენ აუცილებელ და სასარგებლო რჩევებს კონტაქტური ლინზების ხმარებასთან დაკავშირებით.
„რონიკოში“ ასევე შესაძლებელია სპეციალური კონტეინერის შეძენა დამხმარე ხელსაწყოებით. ეს გახლავთ პინცეტი და პატარა ბოთლი ლინზების შესანახი სითხით.

კონტაქტური ლინზების ტიპები

დღესდღეობით კონტაქტურ ლინზებს მსოფლიოში 150 მილიონზე მეტი ადამიანი ატარებს და მათი რიცხვი ყოველწლიურად იზრდება. ფართოვდება კონტაქტური ლინზების მომხმარებლების ასაკობრივი ჭრილიც. ჩვენების შემთხვევაში კონტაქტურ ლინზებს არგებენ ახალშობილებსაც და მათ წარმატებით მოიხმარს პრესბიოპიული ასაკის (40 წელს ზემოთ) მოსახლეობაც. კონტაქტური ლინზების პოპულარობას, რა თქმა უნდა, თანამედროვე ადამიანის დატვირთული და აქტიური ცხოვრების სტილი განაპირობებს.
არსებობს ე.წ. ოპტიკური დანიშნულების კონტაქტური ლინზა, რომელიც რეფრაქციული გადახრის (ახლომხედველობა, შორსმხედველობა, ასტიგმატიზმი) კორექციისთვის გამოიყენება და ე.წ. ფერადი, იგივე კოსმეტიკური კონტაქტური ლინზა, რომლის დანიშნულებაც თვალის ფერის შეცვლაა. მოხმარების ვადის მიხედვით, თანამედროვე რბილი კონტაქტური ლინზები იყოფა: 1-თვიან, 2-კვირიან და 1-დღიან ლინზებად. მოხმარების რეჟიმის მიხედვით არსებობს ლინზები, რომელთა გამოყენება შეიძლება მხოლოდ დღის განმავლობაში და ლინზები, რომლებითაც ნებადართულია ძილი.

კონტაქტური ლინზის მოხმარების წესები

• დაიცავით კონტაქტური ლინზის მოხმარების ვადა. მაგალითად, 2-კვირიანი ლინზა არ მოიხმაროთ 3 კვირის განმავლობაში. არ ღირს რისკის გაწევა! სხვადასხვა ლინზას მისთვის განსაზღვრული მოხმარების ვადა აქვს.
• ლინზის მოხმარებამდე აუცილებლად კარგად დაიბანეთ და გაიმშრალეთ ხელი.
• რბილი კონტაქტური ლინზა შესაძლოა გაიხეს. ამიტომ მოარიდეთ მას ფრჩხილები. თუ კონტაქტური ლინზა გაიხა, აღნიშნული ლინზა აღარ გამოიყენოთ.
• არასოდეს გამოიყენოთ სხვისი კონტაქტური ლინზა, რადგან ეს ბაქტერიების გავრცელების მიზეზი შეიძლება გახდეს. ასევე, ლინზის შერჩევა კონკრეტული ადამიანის თვალის პარამეტრების გათვალისწინებით ხდება და სხვისი ლინზა შესაძლოა თქვენს თვალს არ მოერგოს.
• კონტაქტური ლინზა ყოველდღე ლინზის შესანახ ახალ ხსნარში შეინახეთ.
• არასოდეს გარეცხოთ კონტაქტური ლინზა ონკანის წყლით.
• რეკომენდებულია კონტაქტური ლინზის კონტეინერის მინიმუმ 3 თვეში ერთხელ გამოცვლა. ყოველი გამოყენების შემდეგ კონტეინერს გამოავლეთ ხსნარი და შეინახეთ სუფთა ადგილას თავმოხდილი პირით დაბლა.
• კონტაქტური ლინზით ძილი ნებადართულია მხოლოდ გარკვეული ტიპის კონტაქტური ლინზებით! აღნიშნულის შესახებ ინფორმაცია, გთხოვთ, დააზუსტოთ ლინზის შეძენისას.

საინტერესო ფაქტები

ითვლება, რომ კონტაქტური ლინზების შექმნის იდეა პირველად მე-16 საუკუნეში უდიდეს გენიოსს, ლეონარდო და ვინჩის გაუჩნდა, მაგრამ სამწუხაროდ, ამ იდეის განხორციელება მან ვერ შეძლო. პირველი ლინზების შემქმნელად ავგუსტ მიულერი ითვლება, რომელმაც პირველი კონტაქტური ლინზა 1887 წელს შუშისაგან დაამზადა. აღნიშნული შუშის ლინზები მოუხერხებელი იყო და მისი დიდი ხნით ტარება – შეუძლებელი. რევოლუციური ნაბიჯი, რამაც თანამედროვე რბილ კონტაქტურ კორექციას ჩაუყარა საფუძველი, იყო ჩეხი მეცნიერის, ოტო ვიხტერლის მიერ 1958 წელს ახალი მასალის – ჰიდროგელის შექმნა. ჰიდროგელი იდეალური მასალა აღმოჩნდა კონტაქტური ლინზების შესაქმნელად. შედეგმაც არ დააყოვნა და პირველი რბილი კონტაქტური ლინზა 1960 წელს გამოჩნდა ბაზარზე. 1998 წელს შეიქმნა პირველი ჰიდრო-სილიკონისგან დამზადებული ლინზა, რომლის ძირითადი უპირატესობა მაღალი ჟანგბადგამტარობაა, რაც თვალის რქოვანის ჯანმრთელობისთვის აუცილებელი პირობაა.